काठमाडौं - नेपाली हास्यव्यंग्यका क्षेत्रका वरिष्ठ हास्यकलाकार  हरिवंश आचार्य र चर्चित गायिका मेलिना राइको स्वर रहेको गीत ‘माछीलाई खोलीको लेउ’सार्वजनिक भएको छ ।  गीतको भिडियोमा हरिवंश आचार्य संगै चर्चित नायक पल शाह,  अभिनेत्री करिश्मा मानन्धर र केकी अधिकारीको अभिनय रहेको छ । यस भिडियोमा नरेन्द्र वियोगीको  एरेन्ज रहेको छ भने  विक्रम स्वारको निर्देशन तथा कोरियोग्राफी रहेको छ ।  
छायाँकन नवराज उप्रेतीको रहेको यस गीतमा  भुपेन्द्र अधिकारी र सुवर्ण दुलालले सम्पादन गरेका हुन् ।  यस अघि ३ वर्ष अगाडि रिलिज भएको‘माछीले खाने खोलीको लेउ’ अपार सफलता पछी यो गीतलाई पनि त्यही अपेक्षित नतिजाले हेरिएको छ। पहिलाको गीतले  अहिलेसम्म करिब ५ करोड भिउज पाएको छ । त्यसमा  सरोज ओली र मेलिना राईले स्वर दिएका थिए ।
 त्यस गीतमा दिनेश थपलियाको शब्द र वसन्त सापकोटाको संगीत गीतमा रहेको थियो । सोही गीतको दोश्रो पार्टको रुपमा हरिवंश र मेलिनाको स्वरमा ल्याइएको हो ।