२०८१ मङ्सिर २७, बिहिबार
२०८१ मङ्सिर २७, बिहिबार
धनगढी- कैलालीमा ९ किलो लागुऔषध चरेससहित एक युवक पक्राउ परेका छन् । जिल्लाको गोदावरी नगरपालिक- २ बसपार्कस्थित नवीन होटलबाट बझाङको दुर्गाथली गाउँपालिका ७ काँडा का ३६ वर्षीय यमराज दौल्याललाई पक्राउ गरिएको प्रहरीले जनाएको छ ।
कैलालीका प्रवक्ता प्रहरी नायब उपरीक्षक(डीएसपी)वेदप्रकाश जोशीले होटलको कोठा नम्बर १०१ बाट ९ किलो ३४० किलोग्रामसहित उनलाई पक्राउ गरिएको जानकारी दिए ।
उनकाअनुसार विशेष सूचनाका आधारमा प्रदेश प्रहरी कार्यालय, जिल्ला प्रहरी कार्यालय र ईलाका प्रहरी कार्यालय मालाखेतीको टोलीले होटलमा छापा हानेर दौल्याललाई नियन्त्रणमा लिएको थियो । अहिले इलाका प्रहरी कार्यालय मालाखेतीको हिरासतमा राखेर उनीमाथि थप अनुसन्धान भइरहेको प्रहरीले जनाएको छ ।
