×
समाचार समाज पत्रपत्रिका मनोरञ्जन विश्व स्वास्थ्य अर्थ/वाणिज्य शिक्षा सम्पादकीय संस्कृति/संस्कार प्रदेश खेलकुद सूचना/प्रविधि पर्यटन इन्द्रेणी–विशेष

समाचार

बूढानीलकण्ठमा मध्यरातमा दुर्घटना: दुई जनाको मृत्यु, तीन घाइते

बूढानीलकण्ठमा मध्यरातमा दुर्घटना: दुई जनाको मृत्यु, तीन घाइते

काठमाडौं - राजधानीको बूढानीलकण्ठमा गएराति भएको एक दर्दनाक सवारी दुर्घटनामा परी दुई जनाको ज्यान गएको छ भने अन्य तीन जना घाइते भएका छन्। मध्यरातमा तीव्र गतिमा रहेका मोटरसाइकल र स्कुटर एकआपसमा ठोक्किँदा उक्त हताहती भएको हो।

जिल्ला प्रहरी परिसर, काठमाडौँका अनुसार, बूढानीलकण्ठ नगरपालिका वडा नं. ७ मा राति करिब १ बजेतिर दुई विपरीत दिशाबाट आइरहेका दुईपाङ्ग्रे सवारी साधनहरू ठोक्किएका थिए। गोल्फुटारबाट बूढानीलकण्ठतर्फ जाँदै गरेको बागमती प्रदेश ०२-०४१ प ६८१९ नम्बरको स्कुटर र बूढानीलकण्ठबाट गोल्फुटारतर्फ आउँदै गरेको प्रदेश ३-०२-००२ प ५७२ नम्बरको मोटरसाइकलबीच प्रत्यक्ष जुधाइ भएको प्रहरीले जनाएको छ।

दुर्घटनामा परी सिराहाको जन्दह घर भएका २९ वर्षीय भोला थापाको मृत्यु भएको छ। उनको सनाखत भए पनि दुर्घटनामा ज्यान गुमाउने अर्का एक पुरुषको भने पहिचान खुल्न सकेको छैन। प्रहरीका अनुसार, करिब ३५ वर्षीय देखिने ती व्यक्तिको पहिचानका लागि आफन्तको खोजी कार्य जारी राखिएको छ।

दुर्घटनामा घाइते भएका अन्य तीन जनाको विभिन्न अस्पतालमा उपचार भइरहेको छ। घटनाबारे थप अनुसन्धान भइरहेको प्रहरीले जानकारी दिएको छ।
 

प्रतिकृया दिनुहोस्