काठमाडौँ, पछिल्लो समय नेपाली सिनेमा हेर्ने दर्शकको बाढी नै आएको छ भन्दा फरक नपर्ला। गएको दशैँ पछि चलेका सबै जसो नेपाली सिनेमाले राम्रो दर्शकको साथ पाएका छन्। पूर्ण बहादुरको सारंगीले त् इतिहासै नै रच्यो। सबै खाले कन्टेन्टलाइ दर्शकले रुचाएका छन् त्यसै क्रममा एउटा फरक कन्टेन्टमा बनेको सिनेमा 'फिरफिरे फिरिरी' माघ ४ गते बाट प्रदर्शनमा आउने तयारीमा रहेको छ।

हलमा गएर भावुक बनि रहेका दर्शकलाई पेट मिची मिची हसाउनको लागी 'फिरफिरे फिरिरी' तयार भएको कलाकार तथा निर्माता मनोज अधिकारीले बताए। सिनेमाका केहि दृश्यहारु हामीले पाएका छौँ जुन हेर्दा दर्शकलाई मजा लाग्ने हामीले बुझ्न सक्छौं। हरर कमेडी जनरामा नेपाली सिनेमा कम नै बन्ने गरेका छन्। कमेडी जनरामा बनेको 'फिरफिरे फिरिरी' ले रेकर्ड राख्नेमा निर्माता ढुक्क छन्।

बिन्दबासिनी क्रियसनको ब्यानरमा निर्माण गरिएको फिल्म मनोजकुमार अधिकारीले निर्माण गरेका हुन्। नितिश पुन सह निर्माता रहेका छन्। अधिकारीले यस अघि फिल्म ‘नौ डाँडा पारी’ र ‘मंगलसुत्र’ निर्माणसँगै अभिनय पनि गरेका थिए । पछिल्लो समय संसारभर हरर कमेडी फिल्मले राम्रो दर्शकको साथ पाई रहेको बेला अधिकारीले नेपाली हरर कमेडी फिल्म ‘फिरफिरे फिरिरी’ को निर्माण गरेका हुन्। फिल्ममा सन्दिप श्रेष्ठ र नबिन भट्टको लेखन रहेको छ । यसै फिल्मबाट सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन्। चलचित्रलाई नविन भट्टले निर्देशन गरेका छन्।

उनको यो निर्देशनमा डेब्यु चलचित्र हो। फिल्ममा मनोज कुमार अधिकारी,सन्दिप श्रेष्ठ, भावना उप्रेती,रबिना केसी,पुष्प अवस्थी,सूर्यमान लिम्बु लगायतका कलाकारको अभिनय रहेको छ। फिल्ममा जितु तामाङको छायांकन,रोशन दास,प्रकाश दाहाल र अग्नि सुबेदीको सहायक निर्देशन,केशव राज भट्टको कोरियोग्राफी,एलिस कार्कीको ब्याकराउण्ड म्युजिक,प्रशान्त सिवाकोटीको संगीत,अमित श्रेष्ठको साउण्ड डिजाइन,अनन्त घिमिरेको सम्पादन तथा कलर संयोजन रहेको छ। फिल्मलाई देशभर आरआर फिल्म्सले वितरण गर्नेछ। फिल्मको डिजिटल अधिकार म्युजिक नेपालले लिएको छ।