२०८२ पुस ९, बुधबार
२०८२ पुस ९, बुधबार
काठमाडौँ - सुन्धारास्थित केन्द्रीय कारागारबाट फरार भएका दुई जना कैदीलाई नेपाल प्रहरीको केन्द्रीय अनुसन्धान ब्युरो (सीआईबी) ले पक्राउ गरेको छ। गत भदौ २४ गते कारागारमा भएको आन्दोलनको फाइदा उठाउँदै उनीहरू फरार भएका थिए।
पक्राउ पर्नेहरूमा काठमाडौँ टोखाका श्यामलाल डङ्गोल र नुवाकोट शिवपुरीका विनोद गौतम रहेका छन्। उनीहरू मानव बेचबिखन, अपहरण, शरीर बन्धक, डाका र सङ्गठित अपराध जस्ता गम्भीर मुद्दामा सजाय काटिरहेका थिए।
सीआईबीका प्रवक्ता शिवकुमार श्रेष्ठका अनुसार उपत्यकाका विभिन्न स्थानमा लुकिछिपी बसिरहेको गोप्य सूचनाका आधारमा उनीहरूलाई नियन्त्रणमा लिइएको हो। पक्राउ परेका दुवै जनालाई पुनः सुन्धारा कारागार चलान गरिएको ब्युरोले जनाएको छ।
.jpg)