धनगढी - बैतडीमा टिप्पर दुर्घटना हुदाँ २ विद्यार्थीसहित ३ जनाको ज्यान गएको छ। गुरुडा देखि पाटनतर्फ आइरहेको बा. ३ ख ४८७९ नं को टिप्पर दुर्घटना हुदा दुई बिद्यार्थी र एक जना स्थानीय सहित ३ जनाको मृत्यु भएको जिल्ला प्रहरी कार्यालय बैतडीका प्रबक्ता एबम प्रहरी निरीक्षक दर्शन खड्काले बताए ।

मृत्यु हुनेमा पाटन ३ का ४५ वर्षीय जनक राज पन्त, पाटन ३ कै १२ वर्षीय ज्ञानु बिष्ट र १७ वर्षीय ललित अवस्थी रहेका छन् । ४५ वर्षीय पन्त टिप्परमा काठ लोड गर्न जादै गरेका थिए भने बिष्ट र अवस्थी सिगास माध्यमिक बिधालयमा अध्ययनरत विद्यार्थी हुन ।

९ जना सवार टिप्पर दुर्घटनामा पर्दा अन्य ६ जना घाइते भएका छन् । घाइतेलाई उपचारको लागी डडेलधुरा र पाटन खोड्पे स्वस्थ्य केन्द्रमा पठाइएको छ । घाइते मध्ये १ जनाको अवस्था गम्भीर रहेको उद्धारमा खटिएका प्रहरीले बताएका छन् । चालक भने फरार रहेको बुझिएको छ। 

टिप्पर सडकबाट करीब ५०० मिटर तल खसेको जनाइएको छ । घटना के कति  कारणले भयो भन्ने बारे नखुलेको  प्रहरी निरीक्षक खड्काले बताएका छन ।