२०८२ असोज २८, मङ्गलबार
२०८२ असोज २८, मङ्गलबार
बाँके — बाँकेको नेपालगन्जमा खसी किन्ने विषयमा भएको विवादले उग्र रूप लिँदा दुई समूहबीच कुटाकुट भएको छ। यस घटनामा नेपालगन्ज उपमहानगरपालिका वडा नम्बर ५ का ५२ वर्षीय जाबिद अली बेहनाको मृत्यु भएको छ।
जिल्ला प्रहरी कार्यालय बाँकेका अनुसार शुक्रबार बिहान जाबिदले खरिद गर्न ठिक्क पारेको एउटा खसी अर्कै व्यक्तिले उठाएको विषयलाई लिएर दुई पक्षबीच भनाभन भएको थियो। विवाद बढ्दै गएपछि दुवै समूहबीच ढुंगा हानाहान भएको थियो।
जिल्ला प्रहरी कार्यालय बाँकेका प्रवक्ता डीएसपी दीपक पातलीका अनुसार ढुंगा लागेर गम्भीर घाइते भएका जाबिदको उपचारका क्रममा शुक्रबार दिउँसो साढे २ बजेतिर मृत्यु भएको हो।
डीएसपी पातलीले घटनामा संलग्न चार जनालाई नियन्त्रणमा लिई थप अनुसन्धान अगाडि बढाइएको जानकारी दिए।
स्थानीयका अनुसार झडपमा संलग्न व्यक्तिहरू सालो र भेना सम्बन्धका रहेका थिए। यद्यपि, मृतक बेहना सालो वा भेनामध्ये को हुन् भन्नेबारे भने प्रहरीले थप सोधपुछ गरिरहेको जनाएको छ।
