काठमाडौं- राष्ट्रिय स्वतन्त्र पार्टी (रास्वपा) ले आफ्नो समानुपातिक सांसदहरूको अन्तिम नामावली आज निर्वाचन आयोगमा बुझाउने भएको छ। बनस्थलीमा आज बसेको सचिवालय बैठकले विभिन्न समावेशी क्लस्टर मिलाएर ५७ जनाको सूचीलाई अन्तिम रूप दिएको हो।

पार्टी प्रवक्ता मनिष झाका अनुसार, निर्वाचन आयोगमा पठाइने सूचीमा ४८ जना महिला र ९ जना पुरुष रहेका छन्। रास्वपाले बुझाएको सूचीमा १७ खसआर्य, १६ जनजाति, ९ मधेशी, ८ दलित, ४ थारु र ३ जना मुस्लिम क्लस्टरबाट समेटिएका छन्।

विशेष कुरा त, पार्टी सभापति रवि लामिछाने अस्वस्थ भएपछि आजको महत्वपूर्ण बैठकमा भौतिक रूपमा उपस्थित हुन सकेनन्। उनी भर्चुअल माध्यमबाट सहभागी भई सूचीलाई अन्तिम टुङ्गो लगाउन सहमत भएका थिए। यो सूची आयोगले रुजु गरेपछि आधिकारिक रूपमा सार्वजनिक हुने प्रवक्ता झाले बताए।