काठमाडाैँ- एकीकृत समाजवादीका अध्यक्ष माधवकुमार नेपालले आफ्नाे दल चारैतिर फैलिएकाे दाबी गरेका छन् । ‘के हिमाल, के तराई अनि के पहाड,’ अध्यक्ष नेपालले भने, ‘हाम्राे पार्टी ठूलाे बनिरहेकाे छ । फैलिरहेकाे छ ।’ 

याे देखेर आफ्नाे विराेधीहरूले मानसिक सन्तुलन गुमाउन थालेकाे अध्यक्ष नेपालकाे भनाइ छ । ‘मानसिक सन्तुलन गुमाउन थालेपछि मान्छेले के बाेलेँ, के बाेलिनँ थाहै हुन्न । अहिले हाम्राे विराेधीहरू यसै भएका छन्,’ अध्यक्ष नेपालले भनेका छन्, ‘हाम्राे वैरीहरू अत्तालिएका छन् । यसबाट आत्तिनुपर्दैन ।’

पूर्वसहयाेद्धा केपी शर्मा ओलीप्रति लक्षित गर्दै अध्यक्ष नेपालले थपे— ‘विराेधीहरूले कूप्रचार गरिरहेका छन् । हाम्रा मन्त्रीहरू प्रेमबहादुर आले र कृष्णकुमार श्रेष्ठ रातभरिमा एमाले प्रवेश गर्ने भन्ने कूप्रचार गरे । त्याे पनि बालकाेट गएर पाे प्रवेश गर्ने रे भन्ने कूप्रचार गरिरहेका छन् । यसबाट हामी कत्ति पनि अत्तालिनु पर्दैन । याे खालि कूप्रचार हाे । सत्य हाेइन । याे सब हामीलाई कमजाेर बनाउनका लागि गरिएकाे हाे ।’

उनले आउँदाे चुनावमा आफ्नाे दलले ठूलाे जनमत पाउने पनि दाबी गरे ।