नेकपा (एकीकृत समाजवादी) का अध्यक्ष माधवकुमार नेपालले पाँच दलीय गठबन्धनले संविधानको रक्षा गरेको बताएका छन् । सातौं संविधान दिवसको अवसरमा शुभकामना विज्ञप्ति जारी गर्दै अध्यक्ष नेपालले यस्तो बताएका हुन् । ‘अहिले पनि प्रतिगामी र दक्षिणपन्थी शक्तिहरु संविधानको विरुद्ध लागिरहेको हामी सबैले अनुभूति गरिरहेका छौ’, नेपालको शुभकामना सन्देशमा उल्लेख छ ।

तर मुलुकलाई प्रतिगमनबाट पाँच दलीय गठबन्धनले जोगाएको पनि अध्यक्ष नेपालले उल्लेख गरेका छन् । ‘पाँच दलीय गठबन्धनको नेतृत्वमा भएको सडक आन्दोलनले मुलुकलाई प्रतिगमनबाट जोगाउन र संविधाको रक्षा गर्न सफलता प्राप्त गरेको हो’, शुभकामना सन्देशमा उल्लेख छ । अध्यक्ष नेपालले संविधानको मर्म र भावनालाई व्यवहारमा रुपान्तरण गर्न समेत आह्वान गरेका छन् ।