२०८२ बैशाख ८, सोमबार
२०८२ बैशाख ८, सोमबार
काठमाडौं - नेपाली राष्ट्रिय यु-१९ क्रिकेट टोलीलाई चौधरी ग्रुपको उत्पादन वाई वाईले प्रायोजन गर्ने भएको छ । विगत १६ वर्षदेखिको सहकार्यलाई निरन्तरता दिँदै नेपाल क्रिकेट संघ (क्यान) र चौधरी ग्रुपबीच आज सम्झौता भएको हो ।
सोमबार एक कार्यक्रमका बीच क्रिकेट असोसिएसन नेपाल(क्यान)का अध्यक्ष चतुर बहादुर चन्द र चौधरी ग्रुपका निर्देशक निर्भान चौधरीले सम्झौतामा हस्ताक्षर गरेका छन् ।
वाई-वाईले पाँच वर्षका लागि यु-१९ क्रिकेट टोलीलाई हरेक बर्ष ७० लाख नेपाली रुपैयाको प्रायोजन गर्नेछ ।
“वाई-वाईले दिएको प्रायोजनले यु-१९ को जिल्ला स्तरदेखी राष्ट्रिय स्तरसम्मको सबै प्रतियोगिता र राष्ट्रिय टोली सम्म खर्च हुने छ,”क्यानका क्रिकेट म्यानेजर बिनोद दासले बताए ।
चौधरी ग्रुपले दिने ७० लाख दुई वर्षमा १० प्रतिशतका दरले बढ्दै जाने छ ।
“चौधरी ग्रुपको साथ र सहयोग पहिले पनि रहेको थियो र लामो समय पछि फेरी साथ पाएकोमा हामी वहाँहरुलाई धन्यवाद दिन चाहन्छ,” अध्यक्ष चन्दले बताए ।
.jpg)
