यद्यपि गत महिना मात्रै नेपाल भ्रमणमा आएकी एमसीसी उपाध्यक्ष फातिमा सुमारले भने एमसीसी सम्झौता संशोधन वा फेरबदल नहुने स्पष्ट बताएकी थिइन् । नेपाली शीर्ष नेताहरूलाई भेटेकी सुमारले एमसीसी सम्झौता कुनै पनि हालतमा संशोधन नहुने र यसमा नेपालले सहमति जनाउने विश्वास रहेको बताएकी थिइन् ।

एमसीसीबारे नेपालमा साझा धारणा बनिसकेको छैन । सरकारको नेतृत्व गरेको नेपाली कांग्रेस एमसीसी संसद्बाट परित हुनुपर्ने माग राख्दछ भने माओवादी केन्द्र, एकीकृत समाजवादी, राष्ट्रिय जनमोर्चालगायतका सत्तासाझेदारी दलहरू एमसीसी संशोधनसहित मात्रै पारित हुनुपर्ने अडानमा छन् ।

सन् २०१७ मा अमेरिका–नेपालबीच भएको सम्झौतामा नेपालले कदम अगाडि नबढाउँदा अमेरिका रिसाउन थालेको छ । यसबीचमा ‘एमसीसी कार्यान्वयनमा किन ढिलो ?’ भन्दै धेरै वटा प्रतिनिधिमण्डल अमेरिकाबाट नेपाल आइसकेको छ ।