विगत केही दिनदेखी बाढीको चपेटामा परेका मेलम्चीवासीमा फेरी सोही चपेटा दोहोरिएको छ । शुक्रबार दिउसोदेखि सो क्षेत्रमा पुन बाढी आएको हो । मेलम्चीमा पुन बाढी आएपछि प्रहरीले त्यस आसपासका जोखिमयुक्त क्षेत्रमा रहेका मानिसहरुलाई माइकिङ गरेर सुरक्षित स्थानमा सर्न सूचना दिएको छ ।

वर्षा सामान्य भएपनि बाढीको बहाव बढी मात्रामा आएको बुझिएको छ । उक्त क्षेत्रमा अघिल्लो दिनको तुलनामा केही बढी मात्रामा बाढी आएपनि पहिलो दिनको भन्दा अलि कम छ । मेलम्ची क्षेत्रमा पानी खासै ठूलो नपरेपनि बाढीको मात्रा बढेको छ ।

हेलम्बु क्षेत्रमा बाढीको प्रभावबारे विस्तृत बिवरण आउन बाँकी रहेको छ । ३ दिन अघि मेलम्ची तथा याङ्ग्री र लार्के नदीमा आएको भीषण बाढीले हेलम्बु तथा मेलम्ची क्षेत्रमा ठूलो जनधनको क्षति पुर्‍याएको छ ।

यसैबीच बाढी पूर्वानुमान शाखाले भोटेकोशीको बाढीले नदीसतह पार गरेको जनाएको छ । सिन्धुपाल्चोकको बाह्रबिसे क्षेत्रमा भोटेकोशी नदीको बाढीले खतराको तह पार गरेको संकेत गर्दै सर्तक रहन आग्रह गरेको छ ।