२०८२ असार १३, शुक्रबार
२०८२ असार १३, शुक्रबार
काठमाडौं: कलाकारका थुप्रै फ्यान हुन्छन् । उनीहरूले विभिन्न तरिकाले आफूले मन पराएका कलाकारलाई माया देखाइरहेका हुन्छन् ।
हालै बलिउड अभिनेत्री रश्मीका मन्दनालाई भेट्न उनका एक फ्यानले ९०० किलोमिटरको यात्रा पार गरेका छन् । उनलाई भेट्नका लागि त्रिपाठी नाम गरेका फ्यान तमिलनाडुबाट कर्नाटकको कोडागुसम्म पुगेका छन् ।
करिब ९ सय किलोमिटरको दूरी पार गर्दै उनी अभिनेत्री रश्मीकाको घरसम्म पुगेका थिए । गुगल म्यापको सहयोगमा उनी रश्मीकाको घर पुगेका थिए ।
त्यति लामो यात्रा तय गर्दा पनि उनले रश्मीकालाई भने भेट्न सकेनन् । रश्मीका मुम्बइमा अभिनेता अमिताभ बच्चनसँग फिल्म ‘गुडबाई’को छायांकनमा व्यस्त छिन् ।
रश्मीकालाई घरमा नभेटाएपछि उनी त्यहाँ निकै समय बसेका थिए । त्यसपछि स्थानीयले उनलाई प्रहरीको जिम्मा लगाइदिएको थियो । पछि प्रहरीले नै उनलाई घर फिर्ता पठाएको थियो ।
रश्मीकाले उक्त कुरा थाहा पाएपछि आफ्ना फ्यानलाई यस्ता कार्य नगर्न आग्रह गरेकी छन् ।
‘प्रिय साथी, मलाई ढिलो मात्र यो कुराको जानकारी प्राप्त भएको छ । कृपया यस्तो केही पनि काम नगर्नुहोला । तर, तपाइसँग भेट्न नपाउँदा मलाई निकै नै नरमाइलो लागेको छ । आशा छ एक दिन हाम्रो भेट अवश्य पनि हुनेछ,’ उनले ट्विटरमा लेखेकी छिन् ।
Guys it just came to my notice that one of you had travelled super far and have gone home to see me..
— Rashmika Mandanna (@iamRashmika) June 27, 2021
Please don’t do something like that.. i feel bad that I didn’t get to meet you🥺 I really really hope to meet you one day❤️ but for now show me love here.. I’ll be happy! 🌸🥰
