२०८३ जेठ १२, मङ्गलबार
२०८३ जेठ १२, मङ्गलबार
भक्तपुर - भक्तपुरका खेतका फाँटहरूमा दौडिने र लगनखेल–रत्नपार्क रुटको माइक्रो बसमा 'यता–यता' भन्दै कराउने एउटा ठिटो आज विश्वकै सबैभन्दा ठूलो प्रविधि कम्पनी एप्पल (Apple) मा 'सेक्युरिटी इन्जिनियर' होला भनेर कसले सोचेको थियो र? तर, भक्तपुर कटुन्जेका विकल ढुंगेलले यो असम्भव लाग्ने सपनालाई आफ्नो कडा मिहिनेत र अदम्य साहसले सम्भव तुल्याएर देखाइदिएका छन्। अहिले स्विट्जरल्यान्डको जुरिच तालको किनारमा उभिएर आफ्नो अतीत सम्झँदा उनी आफैँलाई गर्व लाग्छ।
७ युरोको भारीदेखि २० युरोको ट्युसनसम्मको यात्रा
सन् २००५ मा जर्मनी पुग्दा विकलका हातमा कुनै सुख–सुविधा थिएन। सुरुमा उनले उद्योगहरूमा सामान प्याक गर्ने र भारी बोक्ने कडा श्रम गरे, जहाँ प्रतिघण्टा ७ युरो मात्र पाइन्थ्यो। तर, अंग्रेजी भाषामा बलियो पकड भएका विकलले सन् २००६ को विश्वकपपछि जर्मनीमा चलेको अंग्रेजी सिक्ने लहरलाई 'क्यास' गरे र भारी बोक्न छोडेर प्रतिघण्टा २० युरोमा ट्युसन पढाउन थाले। २००७ को विश्व आर्थिक मन्दीलाई आफ्नो 'गुरु' मान्ने विकलले संकटमै अर्थतन्त्र बुझ्ने मौका पाए।
एप्पलमा इन्ट्री र मुटुको 'डाटा' विश्लेषण
स्कटल्यान्डको एडम स्मिथ बिजनेस स्कुलबाट स्नातकोत्तर सकेपछि सन् २०१५ मा विकलले एप्पलको आयरल्यान्डस्थित युरोपेली मुख्यालयमा 'ज्याकपोट' जागिर पाए। त्यहाँ उनको काम 'एप्पल वाच' को सेन्सरले दिने मुटुको तथ्याङ्क विश्लेषण गर्नु थियो। प्रविधि र स्वास्थ्य विज्ञानको यो गज्जबको फ्युजन नै उनको करियरको सबैभन्दा ठूलो टर्निङ प्वाइन्ट बन्यो।
साइबर सेक्युरिटीको 'किंग': अब नयाँलाई तालिम दिने ओहोदा
कोभिड महामारीका बेला अस्पतालहरूमा विदेशी ह्याकरहरूले गरेको साइबर आक्रमणबाट मानिसको ज्यान गएपछि विकलको सोच्ने तरिका बदलियो। उनले 'साइबर सुरक्षा' लाई आफ्नो नयाँ लक्ष्य बनाए। दिनरातको स्व-अध्ययन र अनलाइन कोर्सकै भरमा उनले आफूलाई यति अब्बल 'सेक्युरिटी इन्जिनियर' बनाए कि आज उनी एप्पलमा भित्रिने नयाँ इन्जिनियरहरूलाई आफैँ तालिम दिन्छन्।
विकलका ३ ‘क्रेजी’ फ्याक्ट्स:
माइक्रोको सहचालकदेखि विश्वकै नम्बर वान टेक कम्पनीको सेक्युरिटी कमान्डर बनेका विकलको यो कहानीले भन्छ- "यदि सपना देख्ने हिम्मत र लड्ने आँट छ भने, तिम्रो गन्तव्य तिमी आफैँले लेख्न सक्छौ।
.jpg)
