२०८२ जेठ २६, सोमबार
२०८२ जेठ २६, सोमबार
एजेन्सी - नेदरल्याण्डका रक्षामन्त्री याङ्क बिलेभेल्डले शुक्रबार मन्त्री पदबाट राजीनामा दिनुभएको छ ।अफगानिस्तानमा उत्पन्न संकटबारेमा गर्ने व्यवहारका सम्वन्धमा भएको विवादका कारण उहाँले राजीनामा दिनु परेको हो ।
उहाँले राजीनामा दिएपछि खाली भएको रक्षा मन्त्रालयको जिम्मेवारी विदेश मन्त्रीलाई दिइएको छ ।
विवाद भएपनि रक्षा मन्त्री बिलेभेल्डले राजीनामा दिन अस्वीकार गर्दै आउनु भएको थियो । तर संसदले समेत उहाँको आलोचना गर्दै औपचारिक रूपमै राजीनामाका लागि दवाव दिएपछि उहाँ राजीनामा दिन बाध्य हुनुभएको हो ।
“मैले मेरो पार्टी र प्रधानमन्त्रीलाई मैले राजीनामा दिएको बारेमा जानकारी गराएको छु, राजीनामा स्वीकृत गरिदिनुहुनु राजालाई अनुरोध गरेको छु,” बिलेभेल्डले भन्नुभयो ।
अफगानिस्तानबाट विस्थापित भएका व्यक्तिहरूलाई व्यवस्थापन गर्ने बारेमा विवाद भएकाले आफुले राजीनामा दिनु परेको र आफ्नो मतप्रति आफु अझै पनि अडिग नै रहेको उहाँले जानकारी दिनुभयो ।
यसअघि यही विषयमा भएको विवादका कारण विदेशमन्त्री सिग्रिड काङले पनि बिहीबार राजीनामा दिनुभएको थियो । उहाँलाई पनि राजीनामा दिन संसदले आदेश दिएको थियो । एएफपी
