२०८२ बैशाख ७, आईतबार
२०८२ बैशाख ७, आईतबार
नेपालगञ्ज - बाँकेको नेपालगञ्जमा कारको ठक्करबाट तीन जना पैदलयात्रुको मृत्यु भएको छ ।
नेपालगञ्जको बीपीचोक नजिकै प्रदेश ३-०१-२३ च ८४८१ नम्बरको कारले ठक्कर दिँदा हिँडिरहेका ६५ वर्षीया समिना इद्रिसी, ५ वर्षका कसिम इद्रिसी र ५ वर्षका अलि इद्रिसीको मृत्यु भएको जिल्ला प्रहरी कार्यालय बाँकेका एसपी श्याम कृष्ण अधिकारीले जानकारी दिनुभयो ।
उहाँका अनुसार घटना गएराति पौने १२ बजेतिर भएको हो । कारले ठक्कर दिएलगत्तै घाइते भएका उनीहरूलाई त्यही कारमा राखेर चालकले नै नजिकैको नर्सिङहोम पुर्याएका थिए ।
अस्पताल पुर्याएलगत्तै तीनै जनालाई चिकित्सकले मृत घोषणा गरेका थिए । कार र चालकलाई नियन्त्रणमा लिइएको एसपी अधिकारीले जानकारी दिनुभयो ।
.jpg)
