२०८२ जेठ २६, सोमबार
२०८२ जेठ २६, सोमबार
काठमाडौँ । माल्दिभ्समा जारी साफ च्याम्पियनसिप फुटबलको उपाधिका लागि आज नेपाल र भारतबीच खेल हुँदैछ । नेपाल र भारतबीचको फाइनल खेल मालेस्थित राष्ट्रिय रङ्गशालामा नेपाली समय अनुसार राति ८:४५ बजे सुरु हुनेछ ।
आज दुवै टिम उपाधि जित्ने लक्ष्यसहित मैदान उत्रने छन् । त्यसैले चिरपरिचित दुई प्रतिद्वन्द्वीबीचकाे खेल रोमाञ्चक हुने अनुमान गरिएको छ । नेपाल पहिलो पटक दक्षिण एसियाको प्रतिष्ठित प्रतियोगिताको फाइनलमा पुगेर इतिहास बनाएको छ भने अब उपाधि जितेर नयाँ इतिहास बनाउने सुनौलो अवसर पनि पाएको छ ।
यस साफ च्याम्पियनसिपमा सुरुवाती दुई खेल माल्दिभ्स र श्रीलंकाविरुद्ध जित निकालेर शानदार सुरुवात गरेको नेपाल लिग चरणमा भारतसँग १-० गोल अन्तरले पराजित भएको थियो । त्यस्तै लिगको अन्तिम खेलमा बंगलादेशविरुद्ध १-१ को बराबरी खेलेपछि साफ च्याम्पियनसिपको २८ वर्ष लामो इतिहासमा पहिलो पटक फाइनल पुगेको हो ।
