२०८२ जेठ १९, सोमबार
२०८२ जेठ १९, सोमबार
काठमाडौं - वर्षा र सहकालका देवता रातो मच्छेन्द्रनाथको ऐतिहासिक भोटो आज ललितपुरको जावलाखेलमा देखाइँदैछ। यस महत्वपूर्ण सांस्कृतिक अवसरमा सरकारले काठमाडौं उपत्यकाभर सार्वजनिक बिदा दिएको छ।
यो जात्राको मुख्य सन्देश एक पौराणिक कथामा आधारित छ। परापूर्वकालमा हराएको एक बहुमूल्य भोटो कसको हो भन्ने यकिन नभएपछि, उक्त भोटोलाई हरेक वर्ष सार्वजनिक रूपमा देखाएर वास्तविक हकदारलाई प्रमाणसहित दाबी गर्न आह्वान गर्ने परम्परा बसेको हो। हालसम्म कसैले पनि सो भोटो आफ्नो भएको आधिकारिक प्रमाण पेश गर्न सकेका छैनन्। राष्ट्राध्यक्षको उपस्थितिमा यो जात्रा सम्पन्न गरिन्छ।
