२०८२ साउन २३, शुक्रबार
२०८२ साउन २३, शुक्रबार
काठमाडौँ - गृहमन्त्री रमेश लेखकले राष्ट्रिय स्वतन्त्र पार्टी (रास्वपा) का सभापति रवि लामिछानेलाई उनको विगतको अमेरिका भ्रमणबारे प्रश्न गरेका छन्।
रास्वपाले भिजिट भिसाको दुरुपयोगबारे संसदमा प्रश्न उठाइरहेका बेला गृहमन्त्री लेखकले जवाफमा रवि लामिछानेको प्रसंग निकालेका हुन्।
संसद बैठकमा बोल्दै उनले भने, “रवि लामिछानेजी भिजिट भिसामा अमेरिका जानुभएको हो कि होइन? यदि होइन भने, कुन भिसामा जानुभएको थियो, जानकारी दिनुपर्छ।”
उनले थपे, “भिजिट भिसामा गएर अर्को देशको नागरिकता लिनु भिसाको दुरुपयोग हो। जसको नेताले यस्तो गर्नुभएको छ, त्यो पार्टीले अरूलाई नैतिकता सिकाउन सुहाउँदैन। नैतिकताको प्रश्न अरूलाई सोध्नुभन्दा पहिले आफैंबाट सुरु गर्नुपर्छ।”
.jpg)
.jpg)
