२०८२ जेठ ५, सोमबार
२०८२ जेठ ५, सोमबार
काठमाडौँ- फ्रेन्च लिग वान अन्तर्गत पीएसजीले लोरिएन्टलाई पराजित गरेको छ । गएराती सम्पन्न खेलमा पीएसजीले लोरिएन्टलाई ५-१ गोल अन्तरले पराजित गरेको हो ।
पीएसजीको जितमा नेइमार र किलियन एमबाप्पेले २-२ गोल गरेका थिए भने लियोनेल मेस्सीले एक गोल गरेका थिए । खेलको १२औँ मिनेटमा नेइमारले सुरुवाती गोल गरेका थिए भने खेलको २८औँ मिनेटमा एमबाप्पे दोस्रो र ६७औँ मिनेटमा पीएसजीका लागि तेस्रो गोल गरेका थिए ।
त्यसपछि मेस्सीले खेलको ७३औँ मिनेटमा चौथो गोल गरे भने खेलको ९०औँ मिनेटमा नेइमारले पाँचौँ गोल गरेका थिए । त्यसैगरी लोरिएन्टका लागि टेरेम मोफीले खेलको ५६औँ मिनेटमा एक गोल गरेका थिए ।
यो जितपछि पीएसजीको लिगमा ३० खेलमा ६८ अंक भएको छ र लिगमा शीर्ष स्थानमा कायम रहेको छ । पीएसजी दोस्रो स्थानमा रहेको मार्सेली भन्दा १२ स्पष्ट अंकले अगाडी रहेको छ । त्यसैगरी लोरिएन्टको भने ३० खेलमा २८ अंक छ र लिगमा १६औँ स्थानमा रहेको छ ।
