×
समाचार समाज पत्रपत्रिका मनोरञ्जन विश्व स्वास्थ्य अर्थ/वाणिज्य शिक्षा सम्पादकीय संस्कृति/संस्कार प्रदेश खेलकुद सूचना/प्रविधि पर्यटन इन्द्रेणी–विशेष

समाचार

माधव नेपालले भने, ‘सूर्यमा भाेट हाल्नू’, लगत्तै भने- ‘सरी’

माधव नेपालले भने, ‘सूर्यमा भाेट हाल्नू’, लगत्तै भने- ‘सरी’

काठमाडाैँ- नेकपा एकीकृत समाजवादीका अध्यक्ष माधव कुमार नेपालले संविधान मास्न खोज्नेलाई जनताले कुनै हालतमा विश्वास नगर्ने बताएका छन् । 

मंगलबार ललितपुरको लुभुमा आयोजित सभालाई सम्बोधन गर्दै अध्यक्ष नेपालले दुईपटक संसद विघटन गरेर संविधान मास्न खोज्नेलाई जनताले विश्वास नगर्ने बताएका हुन् ।

उनले प्रतिगामी तत्व नेकपा एमाले र केपी ओली भएकाले चूनावमा भोट माग्ने अधिकार नराख्ने तर्क गरे । अध्यक्ष नेपालले एमालेको सूर्य चिन्हमा ग्रहण लागेकाले चर्चा गर्नुपर्ने अवस्था नरहेको भन्दै अब कलम चिन्ह चम्किने दावी गरे ।

सम्बोधनका क्रममा अध्यक्ष नेपालले झुक्किएर आफ्ना उम्मेदवारहरूलाई ‘सूर्य’ चिन्ह्रमा मात्र छाप हाल्नुपर्ने धारणा राखेका थिए । त्यसपछि उनले सरी भन्दै ‘सूर्य’लाई अस्वीकार गरेर बानी नै बसेको बताएका थिए ।

उनले महालक्ष्मी नगरमा गठबन्धनबीच तामलेम गर्ने प्रयास गरेपनि सफल हुन नसकेको बताए ।

प्रतिकृया दिनुहोस्