काठमाडाैँ-  सत्ता साझेदार दल नेकपा (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले प्रधानमन्त्री शेरबहादुर देउवाले देशकाे हितविपरीत सम्झाैता नगर्ने विश्वास व्यक्त गरेका छन् ।

प्रधानमन्त्री देउवा अमेरिकी-नेपाली सेना फाेर्सबीच हुने भनिएकाे स्टेट पार्टनरसीप प्राेग्राम [एसपीपी] काे पक्षमा रहेकाे विश्लेषण भइरहेकाे बेलामा अध्यक्ष नेपालले यस्ताे विश्वास व्यक्त गरेका हुन् । ‘आज बिहान हामी बसेर कुरा गर्दा पनि प्रधानमन्त्रीकाे कुरा के थियाे भने मबाट देशलाई आघात पुग्नेगरी काम हुँदैन । उहाँकाे क्लियर कुरा थियाे । कसैले भनेपनि म मान्नेवाला छैन । हामीलाई कुनै दबाब पनि छैन । हामीले स्वाभाविकरूपमा चासाे राख्नुपर्छ । तर भ्रमकाे पछाडि लाग्नुहुँदैन ।’